Video
Read full review
2017-03-29
308 views
因為板長壽司幾近我住嘅地方，所以差唔中都會去吃下，近呢幾次去，發現態度變差左。對上一次，明明成間店得兩檯客人，但舉極手都無人理，全部待應都企係收銀位置，唔知點解要全部堆係個個位。今次去吃，大約晚上七點左右，一眼睇落去仲有三分之一嘅空位，企係門口又無人理，咁唯有行入去想同佢講兩位啦，見到有一位待應行緊過黎我呢邊，同佢講兩位，佢可能係新人，唔知點安排，叫我等等，我見佢唔識就想叫第二個，點知我行過去想話「唔該兩位」，話都未講出口，佢指住門口，口氣唔太好咁叫我地出去拎飛！問題係成間店一眼就睇到仲有位，或者被人訂左檯我唔知啦，但你又洗唔洗口氣咁差，其他待應就只會企係到，一氣之下，我轉頭就走左，無吃到。上次都一樣，明明店入面大把位，但又無人理，當時我係出面拎左飛，但一直都無人行過黎睇，或叫飛，最後都係直接行入去，佢地先見到我地。係出面拎飛，你地又唔理， 要行入去先睇到，今次直接行入去同你地講，你地又叫我出番去拎飛，但拎飛你地又唔理。間唔中經過下門口先發現有客人，唔通要客人企到你地發現為止先可以入得去？未裝修前，每次去吃都必吃骨腩，但一次比一次差，煎到好窿，問你地，仲話唔煎到咁窿唔得。仲記得以前吃個
對上一次，明明成間店得兩檯客人，但舉極手都無人理，全部待應都企係收銀位置，唔知點解要全部堆係個個位。
今次去吃，大約晚上七點左右，一眼睇落去仲有三分之一嘅空位，企係門口又無人理，咁唯有行入去想同佢講兩位啦，見到有一位待應行緊過黎我呢邊，同佢講兩位，佢可能係新人，唔知點安排，叫我等等，我見佢唔識就想叫第二個，點知我行過去想話「唔該兩位」，話都未講出口，佢指住門口，口氣唔太好咁叫我地出去拎飛！
問題係成間店一眼就睇到仲有位，或者被人訂左檯我唔知啦，但你又洗唔洗口氣咁差，其他待應就只會企係到，一氣之下，我轉頭就走左，無吃到。
上次都一樣，明明店入面大把位，但又無人理，當時我係出面拎左飛，但一直都無人行過黎睇，或叫飛，最後都係直接行入去，佢地先見到我地。
係出面拎飛，你地又唔理， 要行入去先睇到，今次直接行入去同你地講，你地又叫我出番去拎飛，但拎飛你地又唔理。
間唔中經過下門口先發現有客人，唔通要客人企到你地發現為止先可以入得去？
未裝修前，每次去吃都必吃骨腩，但一次比一次差，煎到好窿，問你地，仲話唔煎到咁窿唔得。仲記得以前吃個時無咁窿，仲超好吃。
就算食物可以，但態度唔好，都會影響到客人會唔會再返轉頭幫襯你地，更何況食物仲要越黎越麻麻。
都幫襯你地好長時間，但之後應該會減少幫襯。
Post