皇冠餐廳

Open Now

Now Closed

之前都幾欣賞呢間茶記質素，先帶朋友lunchtime一齊去食，但係而家做到越黎越寸~~食飯依舊係排長龍既，我入去搵人俾個伙記喝我話搵人行埋一二邊，唔好阻住我地出餐...我心諗我只係經過左一下就俾人鬧都算... 你條走廊其實好闊行3個人都得，你唔駛咁樣講野對吧？坐低左食野，價錢都比呢一區算貴架啦，但係叫黎野快就算啦，上次叫茶走太甜，今次叫奶茶無味，同個阿姐講杯茶無咩味，佢已經西我面，跟住我話你介唔介意拎D煉奶俾我加入去，佢描左個單話你無叫茶走，加$2要煉奶...... 咁唔駛啦唔該。上次茶走太甜我同個伙記講，佢話太甜唔好學人叫茶走啦，而家你想我換俾你即係送多杯你飲...查實我係試左一口咋喎，你唔駛咁樣講野吧？幾好食都係咁話，態度太差了！