蠔站 (樂富廣場) (Closed)

態度非常差，特別係金色頭髮黑色粗眼線戴眼鏡嘅女人，完全冇禮貌，大力掉餐具，掉餐單。想問佢問題，無心回答，全程黑面。Not nice, not friendly and unhelpful.同朋友本身book左枱食飯，臨時想加多啲人，餐廳其實都有好多位置，但係就話我哋咁樣算係Walk in一定要一個鐘內離開。其實都唔緊要，最緊要同朋友開開心心食飯，快快脆脆食完都唔緊要。我哋已經好有禮貌，唔該前唔該後，但係就係唔知點解，我哋由開始入座已經受到好多不禮貌待遇。搞到朋友好唔開心。食物係OK嘅，生蠔都係正常發揮，有時候會起埋帶子嗰個位，有時候就冇。牛扒好食既。但係服務態度差到咁，啲嘢食幾好食都冇用，大家都唔會想再去。