喜來稀肉 (瓊華中心)

Open Now

Now Closed

心血來潮想食韓式燒肉😝🥩，但係又唔係太餓，唔想食放題咁heavy，不如試吓間出名嘅，食得精緻少少，但係又性價比高嘅烤肉店啦～呢間雖然開咗好多年，但係其實一路都冇幫襯過🫣🤭地鐵站一上嚟隔離就係，好就腳～一坐低就可以掃碼點餐，最怕選擇嘅我就梗係嚟個大包圍，乜都有嘅“壹頭牛”啦！🥰👏🏻👍🏻一個餐有齊曬烤肉、牛五花、牛頸、牛肋肉同牛排骨，唔使慢慢點。老細話想食鴨胸，聽服務員講，原來鴨胸係新上嘅菜單，燒起上嚟油香四溢，燒到焦焦地都幾惹味，又唔會太鹹，肉質幾有彈性！🥰🥰😝本來仲諗住叫多個蔬菜拼盤，但係原來出面嘅前菜都有大量蔬菜，有辣有唔辣，連泡菜都有兩款。老細夾咗大量芽菜，都醃得好好味，我就梗係又嚟過大集會啦～🥬🥦🥒🌶️🥗仲有包肉食嘅生菜都好新鮮爽脆！👍🏻另外，醬汁方面有烤肉醬、辣椒醬同韓式醬油，另外鹽都有兩種，仲有wasabi…任君選擇，悉隨專便～佢嘅肉真係質量唔錯，非常之鮮嫩，雖然冇乜醃製過，但係食到肉嘅鮮味，配上佢嘅醬油其實啱啱好。鐵板旁邊仲安排咗蒜片，同兩個口味嘅雞蛋，包埋落生菜一齊食，口感非常豐富！老闆一定要飲可樂，我就試咗個藍莓汽水，都幾清新好味～唔會一陣藥水味，仲有粒粒藍莓乾，好有咬口