太爺雞 (Closed)

觀塘區多食點，想食雞飯，據我所知，喺成業街有兩處！今日特地而來，先來試一下太爺雞。乘港鐵到觀塘站，步行大概5分鐘，行到一工廠大廈叫做成運工業大廈，再上樓梯，行至盡頭，入口在右手邊，一入到去像舊式茶樓格局，一張張圓檯哪款，懷舊feel，但座位算舒適，不太逼。咁去呢度當然係order招牌菜太爺雞啦！一個lunch set有湯、有飯、有嘢飲，成惠$42蚊免加一，算非常抵！招呼都很熱誠，出餐效率高。好嘞！回到正題，隻太爺雞好滑，幾好食！但係啲飯就好粗，如果您想試下咩叫做難以吞嚥，來這裡order個飯試下。所以，建議大家，雞可以照order，但不要跟飯！P.S.至於個清餐湯，可以用淡而無味來形容，just forget it！