車品品小食 (Closed)

見到一間普通既食車仔面的餐廳有咁多評價，收工特意走黎食，果然得喎。一去到以為冇位，老闆即叫我地直行，入面有好多位。入到去，真係有好多位，但過左一陣就坐左好多人。面:叫左兩碗面，個湯好清，完全冇油，有油都係因為我落左麻油既關係，但d麻油真係幾 香。唔知咩係加拿大瘦煙肉扒，所以點左佢，但可能我本身對煙肉麻麻地，所以覺得冇咩特別。飲品:飲品係雪梨水同山楂茶定水，但我覺得山楂水似呀媽煲既甜涼茶。小食:最好味係佢既魯肉餃，老闆娘送黎既時候仲會教你點食:先食餃同菜，最後飲湯，真係好人。其實唔只對我地係咁，對其他食客，佢地都好細人咁教佢地應該點食，需唔需要落配料，點既食法先食到食物既精髓，真係好細心。埋單時仲會問你對舖頭D野食既意見，計數又會係你面前計清楚俾你睇，加埋佢地親切既笑容，如果某天經過哩度，我會再搵佢地。