珞桐冰室 (Closed)

由大圍踩單車到大尾督後，已經又攰又餓，係大尾督入面搵唔到想食嘅野，記起早前友人推介而未有時間光顧嘅珞桐冰室，佢話比一般大型連鎖店更好食，既然一場黎到大埔，冇理由唔去試下吖好彩係平日唔算多人，唔使等位就有得坐喇，一坐低就見到個周圍附近都係食一口蜜糖多士，就跟風都叫返個黎食而男友就試生炸雞脾配薯條，覺得生炸個名好吸引等了不算太耐，我的多士先到了，看到金黃色的面包真係好吸引，影左張相已經忍唔住口要試下，果然很脆，多士就係要夠脆先好食！！如果要挑剔的話，蜜糖略嫌少左啲，係咪覺得食客唔會食哂所以冇俾咁多呢？定係可能怕啲人覺得太甜？唔夠甜就會硬係爭少少，如果枱面有蜜糖俾客人自己加就更好喇食左差唔多一半多士嘅時候，雞脾都到喇，睇個樣好似都幾乾喎，相比之下，啲薯條有啲白，食落去好彩個雞脾唔係炸到太乾，可惜啲薯條墊底搞到腍哂，最後男友放棄最腍嘅幾條薯條如果兩樣分開放就會好好多啦，或者用一個大啲嘅碟都唔會疊埋一齊放啦整體黎講，個多士真係幾好食，值得推介架，炸物唔係咁出色，下次要試埋朱古力味多士先得！