SHY Dance Cafe (Closed)

我諗Cafe老闆係大部分80、90後青年嘅集體回憶,絕對可以話細細個已經睇佢,見佢喺觀塘工廈開了店,於是心郁郁想去試,但每次去到餐廳不是休息便是提早關店,一直都無緣相會,直到今次星期六3點下午茶時間,終於食到了,但係......首先講下位置及裝潢,Cafe位於觀塘工廈1樓,非常容易去到,裝潢就與普通餐廳冇大分別,半開放式廚房,有10幾張枱左右,Cafe亦掛左好多印有老闆嘜頭嘅宣傳版,另外門口放咗部「共享紙巾機」,但自己就冇試到。由於係星期六3點左右到,不用等位就入到,叫左個招牌蛋牛治餐,加一杯凍檸賓，大約4X蚊,落單過程其實算快,不過成間餐廳得1個樓面,又要收銀又要執枱又要傳菜,都真係幾辛苦。入戲肉食物質素方面,蛋牛治嚟講,呢間真係好一般,包係嘉頓白麵包,唔預有驚喜,諗住叫得招牌菜,應該喺個餡有料到了,但原來冇,肉較乾、蛋汁亦較少,個面包底仲要係濕既....其實並不難吃,只是抱有較大期望,但同樓下茶記早餐蛋牛治差不多時,而價錢貴些少便覺得不值。