Video
Read full review
2016-04-21
2545 views
收工急步走返大埔與家人共享天輪，居然咁有緣係酒樓門口撞到阿青剛嘆完茶離開呢。想黎試點心好耐喇，今日終於有機會，順便約埋全家一齊啦。星期六午飯時段個場都唔係好爆乍喎，不過員工少都做到死啦！地產、業主吸血鬼天價租金真係驚死您唔蝕咁款，賺埋都唔夠交租。真陰功比人㩒住搶，我感同身受啦！海蜇燻蹄，心血來潮好想食，大路穩陣型，燻蹄瘦肉嚥韌有嚼勁帶芬芳咸香，外皮膠而彈，海蜇滑溜溜，爽脆趙到卜卜聲，海蜇攬住燻蹄沾滿酸醋涼浸浸入口提神醒腦。懷念小時候既海蜇燻蹄，撈上麻油及自家調製蒜味甜醋，特別好味！而且海蜇仲砂皮面架，已經多年都無遇到。煎腸粉，腸皮煎到微脆，但硬係有股膠味，滾滿豉油沾滿甜醬可完全掩蓋。都係 XO 炒或豉油皇炒好味好多，煎始終麻麻地。雪影叉燒包，我已經想試好耐架喇，居然潮福有供應，即試啦！菠蘿包釀叉燒包餡，翻熱既，都唔係即焗既，兩回事黎喎，天淵之別！整個包內外都只係微暖，香氣、溫度、味道、質感都強差人。撕開細看一下，餡料不是滿滿，比例還算滿意。狠狠地大啖咬落去，甜美濃郁蠔汁叉燒餡混上叉燒粒，正！外加香甜微脆軟塾菠蘿包，味道異常地夾，好食喎！如果係香噴噴熱辣辣新鮮出爐又搣開冒煙的話，我會比滿
星期六午飯時段個場都唔係好爆乍喎，不過員工少都做到死啦！地產、業主吸血鬼天價租金真係驚死您唔蝕咁款，賺埋都唔夠交租。真陰功比人㩒住搶，我感同身受啦！
海蜇燻蹄，心血來潮好想食，大路穩陣型，燻蹄瘦肉嚥韌有嚼勁帶芬芳咸香，外皮膠而彈，海蜇滑溜溜，爽脆趙到卜卜聲，海蜇攬住燻蹄沾滿酸醋涼浸浸入口提神醒腦。
懷念小時候既海蜇燻蹄，撈上麻油及自家調製蒜味甜醋，特別好味！而且海蜇仲砂皮面架，已經多年都無遇到。
煎腸粉，腸皮煎到微脆，但硬係有股膠味，滾滿豉油沾滿甜醬可完全掩蓋。都係 XO 炒或豉油皇炒好味好多，煎始終麻麻地。
雪影叉燒包，我已經想試好耐架喇，居然潮福有供應，即試啦！菠蘿包釀叉燒包餡，翻熱既，都唔係即焗既，兩回事黎喎，天淵之別！整個包內外都只係微暖，香氣、溫度、味道、質感都強差人。撕開細看一下，餡料不是滿滿，比例還算滿意。
狠狠地大啖咬落去，甜美濃郁蠔汁叉燒餡混上叉燒粒，正！外加香甜微脆軟塾菠蘿包，味道異常地夾，好食喎！如果係香噴噴熱辣辣新鮮出爐又搣開冒煙的話，我會比滿分。
蒜香鮮蝦長春卷，外觀奇特程鮮豔深橙色，怪怪的。網狀春卷皮有趣亦有脆，剛剛炸起熱燙燙，雖則表面有些油光，咬開時白煙緩緩升起。極濃厚蒜香味道佔據整個口腔，沾點喼汁能稍為減輕濃烈蒜味及油膩感，酸酸甜甜都唔錯。唯獨蝦粒份量太少，幾乎完全食唔到，連蝦味都非常微弱。
乾炒肉片河，想試一試師傅炒功，特意 order。我不喜歡芽菜、韮黃，全部要慢慢挑走。食左一小碗已無意慾再添喇，河粉炒得乾爽完整，但鑊氣欠棒，生抽老抽香氣欠棒，淡而無味。芽菜味強烈，不香不甜令我失望了！撈上鬆軟帶甜肉片同吃都於事無補，加埋辣醬依然返魂乏術。
水晶蝦餃，演繹得體，蒸得完整，外形美觀。餃皮略厚，未達至水晶半透明約隱約現效果，蝦仁睇唔清楚呢。蝦仁帶鮮帶爽連筍粒係齒間舌尖打滾，清香味道完全滲進味蕾，感覺不錯。
藥膳雞腳，嗜辣的我本想嘆泡椒雞腳，但此味已被細妹欽點了！雞腳已浸得有點面目全非，皮開肉綻，不再肥美飽滿，質地只滑而不膠，泛著藥材湯味道。藥膳湯變得甘苦味濃，不再清甜可口，嚐了一口便全數撥給細妹享用。
帶子燒賣，烹調需時最耐既燒賣作壓軸。賣相勁可愛囉，未見過求其黐粒貝柱就扮帶子，當我傻架咩。燒賣粉多肉少，無混入肥肉，整體味道合格，但無下次。
試過係大陸萬象城品村食蒜蓉粉絲蒸扇貝，帶子肉被割去剩下貝柱，本身扇貝已經係迷你形 BB，貝柱彷如肥豬肉一粒白色物體，堆滿蒜蓉粉絲遮蓋，想瞞天過海，真係秒想天開！
海蜇燻蹄
235 views
0 likes
0 comments
蒜香鮮蝦長春卷
143 views
0 likes
0 comments
雪影叉燒包
77 views
0 likes
0 comments
雪影叉燒包
55 views
0 likes
0 comments
乾炒肉片河
52 views
0 likes
0 comments
水晶蝦餃
39 views
0 likes
0 comments
藥膳雞腳
36 views
0 likes
0 comments
帶子燒賣
39 views
0 likes
0 comments
Post
