Hahahaflorist (Closed)

喺網上搵到呢間‘茶店’，提自己去‘大館’時記得去‘嘆返樽’。喺陽光普照、三十幾度之下參觀‘大館’，臨走時真係要坐低抖抖。呢間茶店，內裡裝修俾人一種好舒適悠閒嘅感覺。有一長枱，茶客圍住坐。佢提供六款茶，通常有兩款係樽裝凍飲，而亦只有凍茶先有試飲。當日係‘洛神花茶’ 及 ‘牡丹白茶'。洛神花茶少少酸，感覺解渴。而我就揀咗’牡丹白茶‘。味道好清，而且有陣陣荔枝味，唔會太甜。行完大館，想與友人閒談抖下，嘆返啖茶，可以揀嚟試下。飲完個玻璃樽仲可以留念做裝飾。