Video
Read full review
2019-07-17
429 views
之前經常經過圓方分店，最近佢地擴充至九龍塘又一城分店，所以趁住開業無耐就同朋友去一嚐。今次去食7月嘅午餐menu，可以有唔同組合嘅選擇，只食主菜加茶、前菜主食加茶及full set均可。特色係每一個course都有茶嘅元素，啱晒一眾茶迷包括我！朋友告知一定要試佢地嘅餐包，除咗因為係佢地自家製之外配搭嘅牛油都一絕！牛油面頭有玄米，塗後食落脆脆嘅口感好特別，玄米亦好香！好新鮮嘅食法超級impress我～而餐包都唔馬虎，有核桃及提子乾增加口感同提味，而提子乾嘅甜味同牛油又來得好夾！不少得茶嘅配搭，佢地嘅紅茶同白茶都無茶因，咁就咩時間都啱飲啦～特別鐘意佢地嘅南非紅茶同埋牛奶烏龍茶。餐湯係牛肝菌忌廉湯，聽落名都無乜特別但其實加咗茶嘅元素～好似面頭嘅係普洱嘅泡沫，食落有淡淡普洱香氣，襯著茶味自然湯嘅質感係比較順口而非平時食到濃郁creamy嘅厚身湯！但反而感覺呢種恰到好處～主食有3款選擇，分別係黑毛豬、八爪魚配帶子、菠菜意大利麵。好肉嘅我當然揀咗黑毛豬，配搭白腰豆蓉、脆嘅salami同埋甜椒，側邊仲係融入咗Singapore breakfast tea嘅蕃茄醬。黑毛豬厚身帶粉嫩，食落仲富肉汁，應是
今次去食7月嘅午餐menu，可以有唔同組合嘅選擇，只食主菜加茶、前菜主食加茶及full set均可。特色係每一個course都有茶嘅元素，啱晒一眾茶迷包括我！朋友告知一定要試佢地嘅餐包，除咗因為係佢地自家製之外配搭嘅牛油都一絕！
牛油面頭有玄米，塗後食落脆脆嘅口感好特別，玄米亦好香！
好新鮮嘅食法超級impress我～而餐包都唔馬虎，有核桃及提子乾增加口感同提味，而提子乾嘅甜味同牛油又來得好夾！
不少得茶嘅配搭，佢地嘅紅茶同白茶都無茶因，咁就咩時間都啱飲啦～特別鐘意佢地嘅南非紅茶同埋牛奶烏龍茶。
餐湯係牛肝菌忌廉湯，聽落名都無乜特別但其實加咗茶嘅元素～
好似面頭嘅係普洱嘅泡沫，食落有淡淡普洱香氣，襯著茶味自然湯嘅質感係比較順口而非平時食到濃郁creamy嘅厚身湯！但反而感覺呢種恰到好處～主食有3款選擇，分別係黑毛豬、八爪魚配帶子、菠菜意大利麵。
好肉嘅我當然揀咗黑毛豬，配搭白腰豆蓉、脆嘅salami同埋甜椒，側邊仲係融入咗Singapore breakfast tea嘅蕃茄醬。黑毛豬厚身帶粉嫩，食落仲富肉汁，應是慢煮嘅功勞。平時主食配嘅都係薯蓉但呢度選擇採用白腰豆蓉感覺無咁大負擔，輕怡一點～而點綴嘅salami都好加分，帶丁點辣勁同咸香好過癮！蕃茄醬都好開胃～朋友點嘅八爪魚配帶子都好吸引，底層係青豆蓉更是有驚喜！
最後唔少得甜品環節，朋友介紹咗一款皇牌蛋糕，概念就好似係有曲奇餅皮嘅焦糖燉蛋
中間仲有層莓醬中和膩感。
好喜歡焦糖面脆脆嘅口感，甜度適中，中間燉蛋亦好軟滑，令人回味！最後仲試左佢地嘅馬卡龍，整體甜度可以接受，仲覺得比其他品牌出品無咁甜，價錢只係$15，用嚟送禮CP高呢！
特別喜歡黑色焦糖味，甜而不膩呢！
Post
