盤子工房 (建生商場) (Moved) New Location

約朋友係假日去屯門食lunch，呢間鋪頭裝修風格行文青路線，主打各款熱狗。每個餐都用木托盤裝住，個賣相即刻提升~lunch hour好多人，想食就要早d去。搵咗位揀好餐，就去收銀落單，侍應會送上食物。墨西哥莎莎莎莎醬熱狗($37/set $44)，加多幾蚊就變成set，多咗配菜及飲品，抵食。自家制莎莎醬主要用咗牛油果、蕃茄粒等食材，鋪滿係熱狗包上面，感覺健康咗。而且脆皮熱狗腸外皮脆卜卜，麵包內層軟，鍾意可以用手拎起咬，又或者用刀切都一樣好食。熱狗份量好大，好夠飽。配菜既薯角炸到夠脆，入面軟，雖然會熱氣，但莎莎醬感覺中和咗~是日特飲柑桔汁唔駛加錢，大熱天時飲杯，好解渴消暑。多重浴芝士熱狗($32/set $44)，揀咗雜果沙律。芝士溶係熱狗腸上面，好邪惡。而且仲係熱辣辣既芝士，一流。不過芝士味道可以再重一dd，咁味道就會更突出。沙律醬唔會好膩，而且沙律材料大小切得均勻，方便食。亦都可以揀薯條/薯角。餐廳除左有lunch提供，仲有早餐、tea及晚餐，種類都會有dd唔同。更有飯麵可以揀，一定食到飽。