Video
Read full review
2022-07-13
196 views
利用一程地鐵打呢篇食評荃灣廣場對出舊樓地舖一排排茶記食店，差唔多食勻哂，呢間係第一次食，講真又幾驚喜。睇門面佢好普通，俾人解決三餐嘅地茂店，打開餐牌個設計又係好平平無奇，見佢有即燒牛脷飯就叫黎試試，等左15分鐘，差啲以為漏單，一上枱食一啖先知真章，牛脷厚切燒得好軟綿無羶味，唔使點燒汁都夠味，五件厚切都好夠食，而佢個例湯無味精，熱飲杯野同凍飲一樣大杯，抵食呀。同行叫左碗咖喱豬扒飯，好crazy，勁厚切勁大塊豬扒，有咬口又無雪藏味，生炸黎講好掂！咖喱汁上面有一個完整嘅薯仔，咖喱汁椰香味重，出街最怕食肉食到唔新鮮嘅雪藏味！呢間會翻撻架！
荃灣廣場對出舊樓地舖一排排茶記食店，差唔多食勻哂，呢間係第一次食，講真又幾驚喜。
睇門面佢好普通，俾人解決三餐嘅地茂店，打開餐牌個設計又係好平平無奇，見佢有即燒牛脷飯就叫黎試試，等左15分鐘，差啲以為漏單，一上枱食一啖先知真章，牛脷厚切燒得好軟綿無羶味，唔使點燒汁都夠味，五件厚切都好夠食，而佢個例湯無味精，熱飲杯野同凍飲一樣大杯，抵食呀。
同行叫左碗咖喱豬扒飯，好crazy，勁厚切勁大塊豬扒，有咬口又無雪藏味，生炸黎講好掂！咖喱汁上面有一個完整嘅薯仔，咖喱汁椰香味重，出街最怕食肉食到唔新鮮嘅雪藏味！呢間會翻撻架！
8 views
0 likes
0 comments
Post
