蟹仙海鮮蒸氣鍋 (仁愛街) (Closed)

約咗朋友食飯，朋友想食海鮮又慢慢坐，所以就揀左黎食海鮮蒸氣火鍋啦。一坐低就會蒸熱所有餐具消毒，夠哂衛生。另外醬汁係比你自已調配，岩番哂個人口味。碟海鮮一上枱真係好吸引！個盤好可愛。日本野生大赤蝦🌟刺身食得多，第一次蒸熟左黎食，好多蝦膏係入面。翡翠螺🌟巨型嘅翡翠螺，大大舊螺肉。喜之次🌟燒喜之次食得多，蒸嘅好少食，冇乜細骨好方便食，加埋日式蒸魚豉油帶左魚嘅鮮味出黎。韓國釜山珍珠蠔🌟店員蒸嘅時間控制得好好，唔會熟哂好韌縮到好細粒，肉質鮮嫩。台灣九孔鮑魚🌟新鮮活鮑魚，肉質好彈牙。大西洋野生青口🌟店員介紹呢款係活青口， 蒸完之後好有海水嘅鹹味，唔駛任何醬都好鮮甜，仲要好大隻。澳洲青年龍蝦🌟龍蝦係新鮮切開，過咗一陣先放上蒸爐啲龍蝦都仲生猛咁郁，勁多龍蝦膏，好多彈牙嘅肉，好正！菲律賓奄仔蟹🌟未產過卵嘅先會係全鮮黄色蟹膏，超多我最愛嘅蟹膏係入面，就算係膏蟹但因為大大隻，入面都有好多蟹肉，啖啖肉好容易食。最後嘅有機蔬菜籃，冇諗過冇調味地蒸蔬菜都咁鮮甜好味，唔只粟米，連娃娃菜都好甜！最後個粥底會加水再煲，最後加左菜脯同蔥花，海鮮蒸出黎嘅汁倒哂落去粥度，食落好綿綿又充滿鮮味，忍唔住再食。 最後因為現金付款，