蘇潮韓海火鍋私房菜

Open Now

Now Closed

荃灣「火鍋之塔」嘅打邊爐多數都係任飲任食，不過好多時都會有時間限制。所以如果想慢慢嘆高質嘅打邊爐，大鴻輝「火鍋之塔」嘅蘇潮韓海都係一個唔錯嘅選擇。蘇潮韓海除咗坐得舒服，餐廳更位於大鴻輝頂層，所以景觀非常開陽，可以望到荃灣市區景色。花雕藥膳醉雞鍋湯底藥材味好香，仲帶有微微嘅酒香，好有層次。而湯底入面嘅桂圓肉記住唔可以錯過，因為真係好清甜。另外，半隻醉雞都幾大隻，雞皮薄油脂少，肉質嫩滑，肉味香濃。薄切牛脷牛脷切得夠薄，肉味香濃，肉質爽滑彈牙。日本黑豚肉片黑豚肉肥瘦比例啱啱好，肉質厚實，豚肉味濃。鳳城水餃水餃皮薄又大粒，餡料有木耳、筍同肉碎，如果有埋蝦肉就更加好啦。白柏葉白柏葉係我哋打邊爐最愛嘅食品之一，索湯一流。珊瑚蚌珊瑚蚌爽口彈牙，非常鮮甜。新鮮炸腐皮即叫即炸，輕輕索一索湯，黃金三秒就食得。