Video
Read full review
2018-07-11
369 views
而家出街食飯，度度都限時，想搵個地方三五知己一齊食個飯，傾下計過一晚，實在難搵到好地方。好彩醒起科學園呢間酒樓，可以慢慢坐，慢慢食。我地個位置幾好，喺正中間，有大電視睇。座位夠闊，唔會同人背貼背。裝修以西式婚禮為主，高貴幽雅。其實我地今次係衝住片皮鴨而黎，點知今日賣晒呀。失望到一個點。不過算啦，唔開心一陣啦。我地四個人叫左8個餸，食飽飽補返數先。上湯龍蝦伊麵，龍蝦炸過，肉質爽口，用左靚嘅上湯燴，再加上伊麵做底，令到伊麵吸收左雞湯同埋龍蝦嘅味道。烏雞燉花膠螺頭個湯好甜，唔油膩，補一補先吊燒雞皮脆肉嫰，味道剛好唔會鹹，同埋雖然叫左半隻雞，但都幾大隻。沙爹肥牛粉絲煲，牛肉非常腍，都幾多肉汁，而沙嗲汁好香同好濃，粉絲索晒d香味，味道唔會辣，仲好惹味，送飯食一流。菠蘿咕嚕肉，炸漿夠薄，非常脆口，內裹依然有肉汁，唔會太乾。加上個汁少少甜，少少酸，好開胃，好容易令人食完一件又一件。椒鹽鮑魚，第一次咁食鮑魚，少少脆，少少鹹，都幾好食。蒜蓉蒸貴妃蚌，貴妃蚌肉厚又鮮美，表面有好多蒜蓉覆蓋著住，又香又惹味。粉絲完全吸收左貴妃蚌嘅鮮味，唔會太鹹同太油。金銀蛋莧菜，食左咁多肉，都需要有個菜既，呢個清清地，唔錯嘅
我地個位置幾好，喺正中間，有大電視睇。座位夠闊，唔會同人背貼背。裝修以西式婚禮為主，高貴幽雅。
其實我地今次係衝住片皮鴨而黎，點知今日賣晒呀。失望到一個點。不過算啦，唔開心一陣啦。我地四個人叫左8個餸，食飽飽補返數先。
上湯龍蝦伊麵，龍蝦炸過，肉質爽口，用左靚嘅上湯燴，再加上伊麵做底，令到伊麵吸收左雞湯同埋龍蝦嘅味道。
上湯龍蝦伊麵
23 views
0 likes
0 comments
烏雞燉花膠螺頭
個湯好甜，唔油膩，補一補先
烏雞燉花膠螺頭
14 views
0 likes
0 comments
吊燒雞皮脆肉嫰，味道剛好唔會鹹，同埋雖然叫左半隻雞，但都幾大隻。
吊燒雞
13 views
0 likes
0 comments
沙爹肥牛粉絲煲，牛肉非常腍，都幾多肉汁，而沙嗲汁好香同好濃，粉絲索晒d香味，味道唔會辣，仲好惹味，送飯食一流。
沙爹肥牛粉絲煲
21 views
0 likes
0 comments
菠蘿咕嚕肉，炸漿夠薄，非常脆口，內裹依然有肉汁，唔會太乾。加上個汁少少甜，少少酸，好開胃，好容易令人食完一件又一件。
菠蘿咕嚕肉
7 views
0 likes
0 comments
椒鹽鮑魚，第一次咁食鮑魚，少少脆，少少鹹，都幾好食。
椒鹽鮑魚
12 views
0 likes
0 comments
蒜蓉蒸貴妃蚌，貴妃蚌肉厚又鮮美，表面有好多蒜蓉覆蓋著住，又香又惹味。粉絲完全吸收左貴妃蚌嘅鮮味，唔會太鹹同太油。
蒜蓉蒸貴妃蚌
16 views
0 likes
0 comments
金銀蛋莧菜，食左咁多肉，都需要有個菜既，呢個清清地，唔錯嘅選擇。
金銀蛋莧菜
18 views
0 likes
0 comments
最後叫左個紅棗糕，熱辣辣，唔會太甜，好香紅棗味，煙煙韌韌，個frd追住食，走時仲念念不忙添😂
紅棗糕
13 views
0 likes
0 comments
無論餸菜、服務、環境、衛生都幾好，呢個價錢算合理。下次有機會會再幫襯，一定要食片皮鴨。
Post
