Video
Read full review
2013-08-15
218 views
約好三五知己, 去車品品食個LUNCH之後就決戰四方城, 咁岩果日車品品晏左少少開舖, 我地响附近等佢開門... 佢一開閘我地距離5-6個舖位行過去, 一入到店6-7張枱已經坐滿晒人喇... 犀利! 究竟D 人係點快得過我地架呢?好! 黎得車品品, 例牌要等架啦, 所以個個一入座就好安靜, 好尊心咁默默剔野食, 盡早入單方為上策!!!!今次等左唔洗半個鐘, 算係咁!碗仔翅 - 用料足, 好似我以前細個食既既碗仔翅咁, 有魚片响裡面, 同埋茹片好大塊, 唯獨肉絲少左D, 成個碗仔翅好有菇味! 魯肉餃 - 個涵係魯肉已經係好香濃, 仲响面加左虾子, 成個感覺好豐富, 必試!大雜燴 - $50 抵到呢, 成碗用料都好新鮮, 紅腸厚切 - 厚切真係好開心, 蘿蔔又甜又鮮又冇渣, 越食越流口水, 我尤其鍾意牛柏葉, 好耐冇食過無漂白水味既牛柏葉喇! 牛柏葉真係有牛柏葉味, 唔知點形容, 總之就正!飲品方面:圓肉羅漢果茶(可以無限加水), 其實係一定要再加水, 事關佢用半個羅漢果, 加勁多圓肉, 唔加就好浪費喇! 咸檸雪碧 - 我地叫咸檸7, 眼鏡哥哥佢好堅持佢地冇咸檸7, 問我地要唔要咸檸雪碧,
究竟D 人係點快得過我地架呢?
好! 黎得車品品, 例牌要等架啦, 所以個個一入座就好安靜, 好尊心咁默默剔野食, 盡早入單方為上策!!!!
今次等左唔洗半個鐘, 算係咁!
碗仔翅 - 用料足, 好似我以前細個食既既碗仔翅咁, 有魚片响裡面, 同埋茹片好大塊, 唯獨肉絲少左D, 成個碗仔翅好有菇味!
魯肉餃 - 個涵係魯肉已經係好香濃, 仲响面加左虾子, 成個感覺好豐富, 必試!
大雜燴 - $50 抵到呢, 成碗用料都好新鮮, 紅腸厚切 - 厚切真係好開心, 蘿蔔又甜又鮮又冇渣, 越食越流口水,
我尤其鍾意牛柏葉, 好耐冇食過無漂白水味既牛柏葉喇! 牛柏葉真係有牛柏葉味, 唔知點形容, 總之就正!
飲品方面:圓肉羅漢果茶(可以無限加水), 其實係一定要再加水, 事關佢用半個羅漢果, 加勁多圓肉, 唔加就好浪費喇!
咸檸雪碧 - 我地叫咸檸7, 眼鏡哥哥佢好堅持佢地冇咸檸7, 問我地要唔要咸檸雪碧, 哈哈! 好啦, 我地試下啦! 我地叫4杯, 黎得2杯, 事關冇晒雪碧, 我地想改咸檸可樂, 但眼鏡哥哥話唔好飲, 叫我地試咸檸芬達, 我地又問咁可唔可以咸檸忌廉呢? 眼鏡哥哥都話唔好飲, 都係叫番咸檸芬達啦! 哈哈! 實在太有性格!
如果你是咸檸人, 咁呢度既咸檸野, 係必試的, 因為佢D檸好細粒 (其實我唔知係咪檸, 定係柑桔), 菴得好好味, 擺D落口嗒嗒下又得, 有時响第2 D舖頭, 飲完咸檸7反而會好口乾, 呢度既咸檸雪碧, 你飲完, 真正解到渴, 好舒服!!
Post
