鮨玥 (Closed)

難得平日放假，去完西灣河電影資料館。行到碼頭睇海，途經鯉景灣住宅下的餐廳好多選擇，好想懷念下去日本嘅日子（旅行呀～～～居酒屋呀～～～）。見到碼頭對面就有間日式餐廳，就一於去試試。餐廳簡潔明亮，有別一般望不穿的日本餐廳。我反應喜歡這種清晰可見的裝修，本想想坐卡位，但3張卡位已被留座，下次要提早準備。一坐低就忍不住杯啤酒爽下，係Suntory金裝，用冰杯裝特別開心，入口泡沫細緻，啤啤順口夠氣，新鮮。唐揚池魚苗炸得🉐 唔油，味道剛剛好，唔會太咸，好味程度小朋友都會好鍾意食，魚頭唔苦嫁，咬落鬆脆，凍左都唔腥，當然做下酒菜一絕。生燒白鱔燒到剛剛好，魚皮煙韌，鱔肉鮮甜，當然有小小骨刺但可能接受。薄燒牛舌其實都唔算薄，掛住食忘了影相，每片大概0. 4mm到，反而我覺得太薄會冇嚼勁，飲啤酒點會唔配牛舌呀🤭🤭🤭海膽夠厚，粒粒分明，入口甘甜香口，有回甘，唔貴，48蚊一粒，再落柯打食2粒先喉。拖羅三品，喜歡中間的中拖羅油脂夠，肉質柔嫩冇筋，味道有魚香同微微氨基酸的新鮮酸味。大拖，入口即溶，因為壽司飯內的壽司醋比例較高，同啖啖魚油對沖，味道配對得夾。鹽燒吞拿魚餃我都係第一次食，還以為自己點了羊架😁 個魚餃有女