Cafe Paradise (砵蘭街) (Closed)

假日去coffee shop，間間都會好多人，所以今日特登揀過平日，過嚟chill下。平時呢間都好多人排隊，可能因為今日係平日，排隊嘅人龍消失咗，但係都好多人喺入面食緊，我哋五點幾已經嚟到，仲可以食下午茶，不過太肚餓嘅關係，我哋選咗食晚餐，同埋可以慢慢食。之前其實都已經食過一次，覺得佢哋嘅食物質素好好，價錢又唔係貴。叫咗一份all day breakfast，個早餐包埋一杯橙汁同埋一份多士，個份量真係大到嚇死你，茄汁豆、粟米、煙肉、薯餅、沙律菜、菇、煙三文魚，仲有炒蛋，如果一個人食其實都好難食得晒。另外叫咗份黑松露薯條，薯條揸得好香脆，份量都好多，佢哋一啲都唔吝嗇，你見到黑松露醬嘅份量都好多，食極都食唔晒。最後叫咗份BBQ醬烤豬仔骨，豬仔骨香濃入味，肉汁好多，口感非常好，完全唔使用刀切，都已經可以將啲肉撕開，呢一份絕對推薦一定要嚟試。到最後仲叫咗杯薄荷朱古力。