慢煮工業 (Closed)

今期興慢煮想試好耐，今日就book了太子道西的慢煮工業試吓。去到店子雖然唔太大，但座位唔窄，環境又帶有田園色彩，點餐以自助形式。叫咗兩隻開邊芝士焗波士頓龍蝦，個龍蝦頭仲有膏，呢個價有呢個質素真係有驚喜。再叫咗隻水牛城炸雞半隻，佢個汁整得好開胃，雞皮好脆，而雞肉好嫩滑，仲保留到滿滿嘅肉汁，重點係隻雞味好重，無雪味。而個炸海鮮有魚柳，魷魚圈，蝦，仲有附上沙拉醬同檸檬，個魚柳炸到好脆，而魚肉又白雪雪，魷魚圈炸到剛好，無過火候，而蝦都係好出色，全部炸物唔會油淋淋咁。蒜香芝士排包係出面未見過，用蒜頭加芝士焗到好香脆，一上枱已香氣誘人。仲有芝士菠菜焗蠔，上面有香濃香脆嘅芝士，加上內裏嘅菠菜，夾雜著蠔嘅鮮味，呢個真係must order item 啦。