Video
Read full review
2021-04-12
176 views
如果有用開訂台App搵有乜著數優惠嘅用家，應該對「享慢煮意」並唔陌生，當然我亦唔例外😛。星期五下晝相約朋友嚟餐廳食個Late Lunch，估唔到兩點半鐘都仲係全院滿座！如果我無記錯的話，餐牌上嘅菜式大概同之前無太大分別，不過就多咗個Afternoon Tea Set☕️，價錢只賣$258兩位，唔算貴啵。不過我哋未食晏，齋食下午茶應該唔夠飽，所以再嗌咗嘢食。店員好細心🙏🏻，提議不如先上單點嘅食物畀我哋食住先，食完「午餐」，先再食「下午茶」，慢慢享受。慢煮鮮挪威三文魚忌廉意粉($158)，🍝呢碟意粉非常好味，因為三文魚、醬汁同意粉都處理得好好。餸料用上慢煮煎三文魚🐟，而唔係煙三文魚，好有誠意。三文魚煎得好香，一啲都唔腥，而且油脂豐富兼肉嫩，份量亦唔太細件。扁意粉煮得彈牙，掛汁一流！忌廉汁濃而不膩，食落仲好似帶點冬蔭功嘅味道，再配合埋雜菇食，正。紐西蘭羊肉多士($108)，呢款係Tapas嚟，所以份量比較的骰。🥖多士上面放咗慢煮紐西蘭羊肉、青咖哩奶酪醬、火箭菜同核桃，由於加咗乳酪，成個組合變得清新，羊肉亦難得唔羶。下午茶有意猶未盡嘅加配項目，即係餐廳嘅名物：流心牛角包🥐。牛角包有鹹有甜，我就要
如果有用開訂台App搵有乜著數優惠嘅用家，應該對「享慢煮意」並唔陌生，當然我亦唔例外😛。星期五下晝相約朋友嚟餐廳食個Late Lunch，估唔到兩點半鐘都仲係全院滿座！
如果我無記錯的話，餐牌上嘅菜式大概同之前無太大分別，不過就多咗個Afternoon Tea Set☕️，價錢只賣$258兩位，唔算貴啵。不過我哋未食晏，齋食下午茶應該唔夠飽，所以再嗌咗嘢食。
店員好細心🙏🏻，提議不如先上單點嘅食物畀我哋食住先，食完「午餐」，先再食「下午茶」，慢慢享受。
慢煮鮮挪威三文魚忌廉意粉
$158
19 views
0 likes
0 comments
紐西蘭羊肉多士($108)，呢款係Tapas嚟，所以份量比較的骰。🥖多士上面放咗慢煮紐西蘭羊肉、青咖哩奶酪醬、火箭菜同核桃，由於加咗乳酪，成個組合變得清新，羊肉亦難得唔羶。
下午茶有意猶未盡嘅加配項目，即係餐廳嘅名物：流心牛角包🥐。牛角包有鹹有甜，我就要咗最經典嘅龍蝦湯口味(+$28)。
龍蝦湯流心牛角包
6 views
0 likes
0 comments
之後就係三層下午茶出場嘅時間✨，進食次序應該係先鹹後甜。
鹹點一：香煎黑松露北海道珍寶帶子，🐚帶子幾大粒，黑松露味並無蓋過帶子嘅鮮味。
鹹點二：西班牙黑毛豬腩，🐷細細件豬腩放上果仁麵包上面，而最上面就有啲蘋果蓉。
鹹點三：蟹肉牛油果三文治，🥪三文治有經微微烘過，中間夾住層唔厚唔薄嘅蟹肉牛油果。
慢煮雞沙律卷
4 views
0 likes
0 comments
白松露芝士蛋糕
12 views
0 likes
0 comments
甜點二：鮮莓酥餅，🍓長條形嘅千層酥面層塗上朱古力醬，再放上草莓同藍莓，稍嫌甜咗啲。
招牌真空慢煮焦糖燉蛋
4 views
0 likes
0 comments
甜點四：焦糖爆谷咖啡摩絲，甜品當然係要由淡食到濃，☕️而呢個咖啡Mousse記住一定要最後食！佢嘅味道同質感係我意想不到的，焦糖爆谷帶點鹹味，配合埋特濃咖啡，完全係衝擊味蕾；而佢嘅口感就似泡沫多過布甸。
飲品方面🥛，我哋要咗熱薑汁鮮奶咖啡(原價$40)同抹茶白朱古力芝味特飲(原價$44)。個人認為呢兩杯飲品味道屬正常水平吧，無食物咁突出。薑汁Latte薑味出，但咖啡味較淡；而白朱古力嗰杯其實OK，唔會太甜，但就無乜芝味元素🤔。
總括嚟講，再次嚟到享慢煮意食飯🍽無令我失望👍，菜式保持自家特色，定價亦唔算貴，不過份量就稍為細啲啲。以Tea Set為例，內容豐富，但就係以輕食類為主，所以比較適合朋友坐低吹水、食少少嘢嘅目的多過食到飽😆。但點都好，你係會食得開心的！最後，我上載埋餐廳嘅完整餐牌以供參考🙏🏻。
Post
