Video
Read full review
2018-02-24
130 views
Weekend時永遠都令人有種慵懶嘅感覺,只想一邊嘆杯咖啡一邊嘆美食休閑咁樣過一日,而間主打慢煮菜式嘅Cafe令人有種寫意嘅感覺。一杯以黑芝麻同豆奶沖製之成嘅Latte再配上優雅嘅拉花圖案。黑芝麻香氣突出,隱約帶出淡淡豆味,味道亦不會太甜。即使平時唔可以飲咖啡因嘅人亦可一試,品嚐嘅同時感受下寫意嘅氣氛。黑白色永遠令人有種神秘感,就好似依杯White Charcoal咁令人猜不透。其實佢係一杯以咖啡,活性碳,橙汁同奶泡製作而成嘅咖啡特飲,好靚之餘又好飲。口感鬆脆充滿牛油香味嘅牛角包,裏邊有滿滿濃郁細滑嘅龍蝦湯mousse,好似食緊酥皮龍蝦湯咁,但係就演變成一個龍蝦湯流心牛角包,令整體感覺更有驚喜。一切開牛角包裏面嘅海鹽焦糖流心醬就等唔切咁澎湃流出,面頭仲有少少微苦嘅咖啡粉,加上海鹽焦糖配牛角包非常之夾,但係如果海鹽味稍為更突出就更加好。一邊嘆一路配杯咖啡就更加好啦。Tea set包括三款小食,有兩款鹹點同一款甜品,每樣都充滿驚喜。首先係以慢煮方式烹調嘅雞蛋有少少類似溫泉蛋口感,但係就令到蛋黃更加creamy,配上黑松露令整體味道更想一層樓,仲可以用麵包條沾上蛋一齊食。另外仲有以葡撻概念整
Weekend時永遠都令人有種慵懶嘅感覺,只想一邊嘆杯咖啡一邊嘆美食休閑咁樣過一日,而間主打慢煮菜式嘅Cafe令人有種寫意嘅感覺。
一杯以黑芝麻同豆奶沖製之成嘅Latte再配上優雅嘅拉花圖案。黑芝麻香氣突出,隱約帶出淡淡豆味,味道亦不會太甜。即使平時唔可以飲咖啡因嘅人亦可一試,品嚐嘅同時感受下寫意嘅氣氛。
黑白色永遠令人有種神秘感,就好似依杯
White Charcoal咁令人猜不透。其實佢係一杯以咖啡,活性碳,橙汁同奶泡製作而成嘅咖啡特飲,好靚之餘又好飲。
口感鬆脆充滿牛油香味嘅牛角包,裏邊有滿滿濃郁細滑嘅龍蝦湯mousse,好似食緊酥皮龍蝦湯咁,但係就演變成一個龍蝦湯流心牛角包,令整體感覺更有驚喜。
一切開牛角包裏面嘅海鹽焦糖流心醬就等唔切咁澎湃流出,面頭仲有少少微苦嘅咖啡粉,加上海鹽焦糖配牛角包非常之夾,但係如果海鹽味稍為更突出就更加好。一邊嘆一路配杯咖啡就更加好啦。
Tea set包括三款小食,有兩款鹹點同一款甜品,每樣都充滿驚喜。首先係以慢煮方式烹調嘅雞蛋有少少類似溫泉蛋口感,但係就令到蛋黃更加creamy,配上黑松露令整體味道更想一層樓,仲可以用麵包條沾上蛋一齊食。另外仲有以葡撻概念整成嘅雞撻,酥皮內餡並唔係蛋漿,而係用左慢煮雞肉以整成嘅mousse,口感非常軟滑creamy,而且雞肉味非常之濃郁。甜品方面有兩種選擇分別係Creme brûlée或者cheesecake,我就選擇咗前者,經過慢煮烹調嘅Creme brûlée口感比平時食開嘅更滑,而且蛋香味更加突出同濃厚,係我食過最好味嘅Creme brûlée。
Post
