慢煮工房 (Closed)

觀塘工廈真係一個美食多籮籮嘅地帶，今日同同事嚟咗駱駝漆大廈食西餐，聽講呢度嘅菜式都係慢煮，好耐未食過慢煮味道了。係腦海之中，今日終於可以食返啦。我自己就點左慢煮美國安格斯肉眼餐，頭盤有沙律同是日餐湯，而今日餐湯係南瓜忌廉湯，濃濃嘅南瓜味，好多南瓜蓉，非常有口感，除咗有少少甜，總括嚟講都唔錯。再跟一杯夏日果茶，而我個人比較推介朋友order個杯茉莉花有汽水，清清地幾好飲。講返美國安格斯肉眼先，勁勁勁大塊，生熟程度啱啱好，非常好味又唔難咬，肉汁鎖住晒好入味真係好正，食唔晒打包返屋企再食。而朋友個意大利海鮮飯成蝦好大隻，原來呢度食嘢咩都大，感覺好滿足同埋好抵食。會再嚟！