坐忘 (Moved) New Location

坐忘。每次諗起豬軟骨一定會黎呢到，未食坐忘之前一直以為食豬軟骨爽脆先叫好食。原來我太天真呢到的慢煮豬軟骨一試難忘今次已經第三次光顧，但依然忘記影餐牌😅收工同男朋友兩個人黎到我公司附近的天后分店，因為時間仲早唔洗排隊。平時lunch time,排返半個鐘係基本。今日又想食飯又想食烏冬，岩哂可以叫兩個share食主要係我成日見到佢個碗想食佢既咖哩豬頸肉飯值得一讚既係，無論任何菜式都會配有好多不同種類的蔬菜，夠哂營養圴衡餐廳老闆賣的就係無味精日本家常料理。另外豬頸肉份量多，至少有八塊最中意佢個飯有粟米，增加口感。萬眾期待的豬軟骨湯底係胡麻，帶有啲甘甘的味道，個人就麻麻地。但加上木魚同蔥又幾香口半熟蛋，夠流心唔係拉麵店食到甜甜的個種。但蛋黃汁加上烏冬，細滑的口感。麵條非常彈牙，係稻庭烏冬的扁身麵條。豬軟骨依舊入味，入口即溶感覺到骨膠原充斥住口腔皮膚彈返黎服務依舊一般，不過食物質素保持有水準。