Video
Read full review
2021-08-03
140 views
經過太子，比呢間餐廳嘅霓虹燈吸引住，餐廳空間非常闊落，人流多但亦都唔會怕冇位！🥳由於我同朋友都唔算太大食，所以我哋淨係叫咗一個意粉，一份肉同埋一款小食。我哋揀咗龍蝦汁香蒜大蝦意粉，兩隻大蝦稍為煎過，十分香👍🏻龍蝦汁配扁意粉亦都非常之夾，雖然份量唔算多，但係兩個女仔食就絕對足夠。👌🏻慢煮肉方面，我哋揀咗鹹蛋黃炸雞鎚，四隻雞鎚都非常大隻，與其話佢係炸雞，我認為佢比較似係烤焗過，外皮唔會太乾之餘，肉質仲非常之淋，完全食得出慢煮肉嘅精髓，正！🥳小食方面我哋揀咗個輕食拼盤，入面包括有薯條、雞翼、炸蝦、芝士條同埋炸蠔，薯條嘅份量非常多，我哋兩個女仔都食唔晒，雞翼係單骨雞翼，唔會食得好論盡亦都好香口。我自己就幾鍾意食佢嘅炸芝士條，入邊嘅水牛芝士唔會太漏之餘，仲有好香嘅芝士鹹香味。😌飲品方面，我哋揀咗比利時玫瑰水果啤，同埋輕鬆果味白酒，個人比較鍾意水果啤，因為非常容易入口，適合啲唔太鍾意太勁酒精嘅人，而且果莓味濃郁，非常值得一試。🍹
經過太子，比呢間餐廳嘅霓虹燈吸引住，餐廳空間非常闊落，人流多但亦都唔會怕冇位！🥳
由於我同朋友都唔算太大食，所以我哋淨係叫咗一個意粉，一份肉同埋一款小食。
我哋揀咗龍蝦汁香蒜大蝦意粉，兩隻大蝦稍為煎過，十分香👍🏻龍蝦汁配扁意粉亦都非常之夾，雖然份量唔算多，但係兩個女仔食就絕對足夠。👌🏻
慢煮肉方面，我哋揀咗鹹蛋黃炸雞鎚，四隻雞鎚都非常大隻，與其話佢係炸雞，我認為佢比較似係烤焗過，外皮唔會太乾之餘，肉質仲非常之淋，完全食得出慢煮肉嘅精髓，正！🥳
小食方面我哋揀咗個輕食拼盤，入面包括有薯條、雞翼、炸蝦、芝士條同埋炸蠔，薯條嘅份量非常多，我哋兩個女仔都食唔晒，雞翼係單骨雞翼，唔會食得好論盡亦都好香口。我自己就幾鍾意食佢嘅炸芝士條，入邊嘅水牛芝士唔會太漏之餘，仲有好香嘅芝士鹹香味。😌
飲品方面，我哋揀咗比利時玫瑰水果啤，同埋輕鬆果味白酒，個人比較鍾意水果啤，因為非常容易入口，適合啲唔太鍾意太勁酒精嘅人，而且果莓味濃郁，非常值得一試。🍹
Post
