慢煮工業 (Closed)

原來上次嚟慢煮工業，已經係年半前嘅事！歲月催人....今次再嚟幫襯，發現一個特式，幫襯嘅都係D90後00後，攪到我感覺young咗！上次幫襯時坐下層，無點留意環境，原來內有乾坤，樓上有雅座，今次坐樓上。餐廳名講到明"慢煮"，所以..... 幫襯時已經調節心態, 邊等邊同朋友吹水占卜邊食。樓上有個望上去好普通嘅霓虹燈光管，雖然普通，但就出奇地提昇格調，再配合埋D輕音樂，格調一流。點咗兩客美式蟹餅，安格斯西冷牛扒，炸雞半隻，芝士流水蛋大啡菇，小食盤有炸芝士條，美式薯條同炸雞翼。重有支雪梨梳打水。從未試過什麼雪梨梳打水，有一般梳打水嘅口感之餘又多一份雪梨香味，但一D甜味都無，好鬼特別!美式蟹餅釀入滿滿蟹肉，蟹肉鮮甜，最緊要係份量多到感覺有少少誇張，超足料無偷工減料。安格斯西冷牛扒無得選幾成熟，目測應該九成熟，西冷無點落醃料，所以牛味豐富，我都只係加上黑椒，尚算肉嫩 juicy，再煮耐D就會過火!可能係慢煮效果。單睇隻雞翼就知炸雞係細雞品種，皮滑但肉質煮得啱啱好，同樣再煮耐D就過火。芝士大啡菇上嘅流心蛋煮到似溫泉蛋，口感超滑，蛋黃汁流出令大啡菇都變得嫩滑，只係味道淡咗少少，我口味較重，所以加上