Video
Read full review
2023-06-14
110 views
-慢理牆城-@油麻地.如果唔係朋友帶我黎，應該都唔會知道哩間酒店內有間咁正餐廳。.餐廳的裝修以木和綠色為主，加上空間感好足，令人坐得好舒服。而且周圍放滿了可愛的毛公仔，感覺入左森林同D動物一齊食飯咁。.首先想讚下餐廳的店員，坐低無耐，店員就俾左2杯晶瑩藍色的碟豆花檸檬水我地，之後仲不時主動為我地加水。到最後又細心問我地洗唔洗打包攞走食唔晒嘅野。店員好nice又細心，真係為餐廳超加分。.Menu選擇都好多，真係每樣都好吸引。因為我地唔算太餓，所以點左沙律、小食同飯share。點知最後都係食唔晒，因為每碟的份量都真係好足。.車厘茄柚子果凍無花果沙律配肉桂蜜糖黑醋汁 ($108)好大份量的沙律，賣相好靚。清涼開胃的柚子果凍內放左車厘茄，味道唔會太甜或太酸，好岩係夏天食。.蔬菜夠新鮮，最特別係有埋新鮮無花果，食落口層更豐富。加埋肉桂蜜糖黑醋汁，酸酸甜甜好開胃。.煙三文魚流心蛋大啡菇 ($98)滿滿煙三文魚釀係大啡菇上，中間夾住流心蛋，一切開蛋黃就流出黎，睇到就食慾大增。.牛油果蟹肉飯 ($198)每道菜都咁足料會不會太犯規。蟹肉球大過個乒乓波，用牛油果墊起，加上幾片芝士，味道同口感層次都係滿分
-慢理牆城-@油麻地
.
如果唔係朋友帶我黎，應該都唔會知道哩間酒店內有間咁正餐廳。
.
餐廳的裝修以木和綠色為主，加上空間感好足，令人坐得好舒服。而且周圍放滿了可愛的毛公仔，感覺入左森林同D動物一齊食飯咁。.
首先想讚下餐廳的店員，坐低無耐，店員就俾左2杯晶瑩藍色的碟豆花檸檬水我地，之後仲不時主動為我地加水。到最後又細心問我地洗唔洗打包攞走食唔晒嘅野。店員好nice又細心，真係為餐廳超加分。.
Menu選擇都好多，真係每樣都好吸引。因為我地唔算太餓，所以點左沙律、小食同飯share。點知最後都係食唔晒，因為每碟的份量都真係好足。.
車厘茄柚子果凍無花果沙律配肉桂蜜糖黑醋汁 ($108)
好大份量的沙律，賣相好靚。清涼開胃的柚子果凍內放左車厘茄，味道唔會太甜或太酸，好岩係夏天食。.
蔬菜夠新鮮，最特別係有埋新鮮無花果，食落口層更豐富。加埋肉桂蜜糖黑醋汁，酸酸甜甜好開胃。
.
煙三文魚流心蛋大啡菇 ($98)滿滿煙三文魚釀係大啡菇上，中間夾住流心蛋，一切開蛋黃就流出黎，睇到就食慾大增。
.
牛油果蟹肉飯 ($198)每道菜都咁足料會不會太犯規。蟹肉球大過個乒乓波，用牛油果墊起，加上幾片芝士，味道同口感層次都係滿分。
.
飯的軟硬適中，加上忌廉汁濃郁得黎唔會好漏，連埋啖啖蟹肉一齊食，真係一流。
.
可以喝的提拉米蘇 ($82)當甜品食的飲品。奶泡好綿密，飲落好滑，而且唔會太甜，味道係輕盈版的Tiramisu。
.
特濃朱古力 ($48)
特濃朱古力只有熱的。$48都算好大杯，又夠香同滑，都好抵飲。
.
Post
