Video
Read full review
2021-06-07
1437 views
次次經過walk-in都冇位，於是女朋友的起心肝book位，就睇吓佢有咩符fit咁巴閉。12:05坐低睇menu，一場嚟到不如就試個3 courses全餐。餐廳對住維港，景觀唔錯。墊枱紙寫咗首英文詩，意思大概係勉勵大家真誠待人。迷迭香餐包好鬆軟，配一碟紅色嘅香油，完全冇味，點勁多都食唔出係咩嚟。等咗半個鐘，終於出頭盤。西蘭花忌廉湯幾清甜，而三文魚他他味道一般，落返兩粒鹽會好好多，配牛油果醬加辣蛋黃醬略嫌太膩。收碟之後又係漫長嘅等待。我坐個位對正廚房出菜位，由頭到尾都係得一對呀姐同呀叔主理，唔怪之得出事。等到12:50覺得唔對路，向侍應反映。估唔到佢竟然同我講”I believe you can extend your lunch.” 我即刻火都嚟，同佢講我一點就要走，你打算仲要我等幾耐？我坐低成粒鐘淨係食咗個餐包同頭盤，你仲好意思叫我extend my lunch？就算我有時間都唔係咁同你嘥啦！佢feel到我嘅怒火，粒聲唔出就咁走咗去。我望住枱面首真誠待人英文詩，不禁冷笑咗一下。5分鐘後終於上主菜，辣味烤雞有炭燒香味，但係得面嗰浸有味，完全冇醃過，而且過熟肉身勁乾勁鞋。香煎鱸魚叫做好啲
12:05坐低睇menu，一場嚟到不如就試個3 courses全餐。餐廳對住維港，景觀唔錯。墊枱紙寫咗首英文詩，意思大概係勉勵大家真誠待人。
迷迭香餐包好鬆軟，配一碟紅色嘅香油，完全冇味，點勁多都食唔出係咩嚟。
等咗半個鐘，終於出頭盤。西蘭花忌廉湯幾清甜，而三文魚他他味道一般，落返兩粒鹽會好好多，配牛油果醬加辣蛋黃醬略嫌太膩。
收碟之後又係漫長嘅等待。我坐個位對正廚房出菜位，由頭到尾都係得一對呀姐同呀叔主理，唔怪之得出事。等到12:50覺得唔對路，向侍應反映。估唔到佢竟然同我講”I believe you can extend your lunch.” 我即刻火都嚟，同佢講我一點就要走，你打算仲要我等幾耐？我坐低成粒鐘淨係食咗個餐包同頭盤，你仲好意思叫我extend my lunch？就算我有時間都唔係咁同你嘥啦！佢feel到我嘅怒火，粒聲唔出就咁走咗去。我望住枱面首真誠待人英文詩，不禁冷笑咗一下。
5分鐘後終於上主菜，辣味烤雞有炭燒香味，但係得面嗰浸有味，完全冇醃過，而且過熟肉身勁乾勁鞋。香煎鱸魚叫做好啲，不過都係煎得太熟，配個綠色嘅酸醬味道奇怪。
最後cancel咗個甜品，因為我哋用最後嘅5分鐘倒哂啲嘢食落肚。埋單盛惠$325.6，一句道歉都冇，我寫緊呢篇嘢嘅時候個胃仲痛緊。
如果你係老闆級別或者係超級閒人先至好嚟呢間餐廳，因為只有你哋有資格好奢侈地食兩三個鐘頭lunch。
最後想講呢間餐廳連set lunch都可以咁慢，好難想像晚餐會係點，可能要由6點食到10點，法國大餐都要行埋一邊。
Post