Video
Read full review
2015-07-21
2381 views
對上一次嚟，喺舊年10月嘅事，慶祝老婆生日嘅晏晝飯，嗰次試咗3款菜式，包括：香芒大蝦沙律、意大利脆煙肉煎蛋拌黑菌烤麵包及燴意大利肉丸配米形意粉，今次再嚟食晏，已無咗米形意粉 ，反而多咗一個早午餐菜牌。因為上次嘅食評都介紹過個環境，所以，今次就唔多講，擺幾張相俾大家睇睇就一目了然，只喺門口架真車由灰色變咗黃色，更搶眼。我哋今次被安排坐晌入面嘅卡位，感覺私隱度高啲，而且，更加舒服啲 。對照返上次，依家個餐牌精緻咗好多喎，唔喺單單得個菜名，部份菜式更有參考圖片，令到啲菜式份外吸引。類別依次序有頭盤、餐湯、沙律、意式烤麵包及三文治、精選意粉 / 燴飯、精選主菜、手製薄餅、兒童餐、甜品及飲品。至於個早午餐牌，原以為喺套餐，原來都喺散叫菜式！依家啲人好鍾意就投訴，郁吓就嘈，依樣投訴，嗰樣又投訴，搞到好戾氣，產生好多負能量。我老婆都有此慣性，不過唔喺「投訴」，而喺「投素」，晌餐牌內有唔少標明喺素食菜式，佢偏向茹素，所以，是日午餐一啲肉都無。 無花果乳清乾酪 $118 曾經晌以前銅鑼灣店試過依道菜式，印象特別，加上佢都好鍾意食新鮮無花果。無花果切片，無以前原粒開半咁大啖大啖食咁爽，不過，食
因為上次嘅食評都介紹過個環境，所以，今次就唔多講，擺幾張相俾大家睇睇就一目了然，只喺門口架真車由灰色變咗黃色，更搶眼。我哋今次被安排坐晌入面嘅卡位，感覺私隱度高啲，而且，更加舒服啲 。
對照返上次，依家個餐牌精緻咗好多喎，唔喺單單得個菜名，部份菜式更有參考圖片，令到啲菜式份外吸引。類別依次序有頭盤、餐湯、沙律、意式烤麵包及三文治、精選意粉 / 燴飯、精選主菜、手製薄餅、兒童餐、甜品及飲品。
至於個早午餐牌，原以為喺套餐，原來都喺散叫菜式！依家啲人好鍾意就投訴，郁吓就嘈，依樣投訴，嗰樣又投訴，搞到好戾氣，產生好多負能量。我老婆都有此慣性，不過唔喺「投訴」，而喺「投素」，晌餐牌內有唔少標明喺素食菜式，佢偏向茹素，所以，是日午餐一啲肉都無。
無花果乳清乾酪 $118 曾經晌以前銅鑼灣店試過依道菜式，印象特別，加上佢都好鍾意食新鮮無花果。無花果切片，無以前原粒開半咁大啖大啖食咁爽，不過，食落發覺啲無花果做咗焦糖化，一咬有層脆糖，幾特別；乳清芝士（有譯作意大利農村軟芝士）應屬於未完全熟成嘅芝士，口感上，跟平時晌超市買到嘅茅屋芝士好相似，但香得嚟唔會太霸道，有啲沙沙嚡嚡粉粒嘅口感，喺一道宜淡宜濃嘅沙律 。此外，除有原粒榛子，仲加咗榛子碎，再配以蜜糖、葡萄黑醋、黑松露油作醬汁調和，沙律菜食落新鮮清爽，味道又富層次 。
無花果乳清乾酪
$118
40 views
0 likes
0 comments
野菌黑松露雲吞配蕃茄 / 忌廉汁 $108 上次試過意式烤麵包，今次就揀客意式雲吞試試，因為佢喺全素菜。都忘記數一數，一客應該大概7-8件，隻隻都包得幾大隻，不過，餡料唔好期望好多，因為意式雲吞一般都喺扁身啲。然而，雲吞皮厚薄適中，內餡有啲蘑菇、菠菜、黑松露……等等，我哋揀蕃茄汁底，蕃茄味濃郁鮮活 。
野菌黑松露雲吞配蕃茄汁
$108
26 views
0 likes
0 comments
栗子菠菜南瓜意大利燴飯 $118 無咗米形意粉，就試吓早午餐牌內嘅栗子菠菜南瓜意大利燴飯，因為都喺素菜菜式。其實個飯講出嚟就好簡單，以南瓜汁煮意大利米，加入菠菜碎、栗子粒同巴馬臣芝士，就大功告成，老婆甚欣賞佢個燴飯嘅口感，有煙韌嘅口感，又唔會有生米嘅感覺，每啖飯都充滿南瓜甜味 ；只喺略嫌栗子細粒，但食得出糖漬過，如果加入番啲栗子碎效果又如何。
栗子菠菜南瓜意大利燴飯
$118
35 views
0 likes
0 comments
榛子鮮奶咖啡 $43 無獨有偶，原來上次又喺飲榛子鮮奶咖啡，唯一唔同上次平啲，只賣$40，哈哈。咖啡採用意大利illy咖啡豆，差極有個譜，至於杯鮮奶咖啡，榛子香味唔會太搶，奶泡撞得均勻，無需落糖，每啖都醇香柔滑 。貪得意，飲到尾，個拉花都可以保留返晌度。
榛子鮮奶咖啡
$43
38 views
0 likes
0 comments
甘菊茶 $36 老婆一向都喜歡花茶，尤其唔太濃，又清香嘅，就最啱佢，所以，揀咗一杯甘菊茶，別緻嘅茶具，清香嘅花茶，淡雅幽香，又有紓壓寧神之效。
甘菊茶
$36
20 views
0 likes
0 comments
法式歌劇院蛋糕 $68 以前晌工聯會學整蛋糕，法式歌劇院蛋糕喺認為頗難嘅一款，蛋糕底又要加杏仁粉，又要做咖啡牛油忌廉，又要加朱古力軟心醬，一層疊一層疊成六、七層，Fiat Caffe版嘅法式歌劇院蛋糕明顯簡化咗，層次雖未及正宗嘅咁多，但味道仍然好細緻，咖啡與杏仁味配搭和諧 。
法式歌劇院蛋糕
$68
44 views
0 likes
0 comments
雖然唔喺素食店，但依家好多餐廳都有提供素食嘅菜式，難得今日挑嘅菜式既好食，又喺素食，所以，老婆佢非常滿意，絕無投「素」 。
Post
