良記

Open Now

Now Closed

咁岩阿妹去慧安園剪頭髮，就特登send個msg叫佢買煎餃比我食。真係好耐冇食過呢度既煎餃，對上一次已經係差唔多一年前既事。果時仲係附近返學既時候幾乎日日都會食，因為真係有種一食就上癮既感覺。而家啲煎餃比之前貴左小小，不過物價係咁升，啲野賣貴小小都好正常既。買左8蚊黎食，有8隻。煎得幾香口，唔會是是但但煎果一陣就賣比人，啲料食落去有種爽口既感覺，可以清楚咁分入面有咩料。簡單黎講，同以前食既味道一樣，冇乜點變，食左依然會有種想再去買黎食既感覺。個人覺得果度既老闆人好好，成程都好好笑容，基本上你叫佢多豉油或者辣油佢真係會落多啲，唔似某啲店咁，比多兩滴就當比多左你咁。總括黎講，如果係去慧安園既話，值得一試。