La BASE HK (Closed)

餐廳位於尖沙咀嘅余仁生中心，環境寧靜，空間感十足，設有室外位置，鋪滿植物同燈飾，最緊要係冇限時，好適合一家大細嚟gathering。款式多元化，食材天然新鮮，十分健康🌽前菜有Caesar Salad，好大一碗，適合多人分享，採用有機新鮮蔬菜，灑滿芝士碎同麵包糠，貼心位係會額外附上醬汁，可按個人喜好落。主食有Carbonara，麵條軟硬度適中，味道香濃掛汁，幾creamy，讚。焗烤類都有唔少款色，即叫即整，需要等候一段時間。Roasted Baby Pig賣相一流，上枱時散發著香氣，未食已經流口水了。無激素肉，肉質好肥，油脂感十足，啖啖肉好過癮。附上多色有機時令生菜，感覺更加健康。