角落 三二 (Closed)

今日一班老友同我一齊慶生日，之前食來食去都係啲放題同打邊爐，佢地話想試下啲另類啲，就嚟試咗呢間，角落三十二，名符其實，舖頭比較細少，但望落去就好溫馨。呢間餐廳係食burger的。我地首先就叫咗個炸薯條，大開個胃先，薯條外層炸好香脆，入裡的薯肉就好滑～正然後就係德國咸豬手黑椒忌廉汁燴意粉，餐牌寫著係有啲辣，我係超鐘意食辣的，其實呢種辣係黑椒既辣，果然呢種黑椒既辣，係好好食。而個醬汁都是經過廚師diy。我之前都唔知黑椒都可以咁辣的，但係個汁將黑椒的辣味充份表現出嚟。﹗普羅旺斯慢煮豬脾仔配蕃茄釀意大利飯及焗香蒜，呢個都係廚師推界，豬仔脾仲可以保留原來的肉香，而且肉質唔硬，配合蕃茄醬汁味道，爽，，無諗過蕃茄醬汁係咁正；蕃茄釀意大利飯都唔差。