Arcadia

Open Now

Now Closed

星期日同老公到銅鑼灣Arcadia食晚飯。餐廳佈置得好有心機，門口已經有花圈、浴缸，座位設計亦好有心思，有熱氣球造型添，而且餐廳唔少座位都有happy birthday嘅慶生牌黎打卡影相，慶祝生日一流。生牛肉他他伴黑松露配10年陳醋生牛肉他他無腥味，撈埋生雞蛋食，牛肉變得嫩滑，配埋香脆嘅多士一齊食，好正。蘇格蘭蟶子胖虎蝦玫瑰醬意大利飯因為無晒蟶子，用大蜆代替，另外亦有虎蝦，意大利飯有趙口，落咗好多芝士，蒜味好重，係重口味嘅意大利飯。澳洲M3和牛肉眼扒牛扒叫左五成熟，牛味好重，唔鞋唔韌，好食。 叫左兩杯Cocktails黎飲，分別係Ray’s Me Up同Pattaya’s Rose。Ray’s Me Up聞到好濃烈嘅煙燻味，味道甜甜地，好易入口，仲有咖啡餅送酒。Pattaya’s Rose侍應會喺你面前點火，個效果非常震撼，打卡一流，味道走果汁路線，都係好易入口。