京都鐡板居酒屋 (Closed)

好朋友生日，特意訂枱京都鐵板居酒屋好好慶祝下，位置係地鐵站一出轉個彎就到， Hotel Hart 3 樓，非常幸運我地被安排席坐係鐵板師傅正面， 絕頂享受！ 夏日感謝祭 set : 首先係前菜沙律+ 茶碗蒸蛋，時令刺身三品今日食到真鯛+蝦+帆立貝，每人各有2片，新鮮運到一樣。重頭戲嚟喇， 師傅進場， 純熟板法板板有聲，睇到我地眼定定。材料鼎盛！1.沙巴原隻野生海虎蝦.蝦頭燒到好香， 新鮮到唔怕啜佢蝦頭汁，厚肉彈牙2.南非活鮑魚配日式XO脆脆醬.建議先試一啖原味，再試一啖加埋XO醬一齊食，各有風味特色3.法式鵝肝配紅酒黑醋.好耐無食過咁高水準級數，物有所值下半part繼續， 時間控制得剛好流暢。4.美國頂級牛肉厚燒.師傅會先問大家選幾成熟，切成一口牛入口，牛味濃5.炒飯炒野菜 味蕾爆棚，最後清清地，多謝師傅到此為止。麵豉湯甜品作結尾，短短90分鐘好似飛左去日本咁。