花月庭 (Closed)

好耐冇食自助餐，剛巧朋友生日，三五知己齊齊到帝京酒店為佢慶祝！雖然人多，食物選擇還是相當多嘅！冰鎮海鮮區有生蠔、藍青口、墨魚仔、龍蝦鉗、松葉蟹腳等等...大部分新鮮，生蠔算肥美。熱葷區豬、牛、羊、雞、菜唔少得，仲有片皮鴨。不過每次只有兩小片，而且冇得揀。自助餐仲有日式美食、沙律、 韓式燒烤、泰式等...多種美食最特別係，當鐘聲響起時，就好多人湧出去排隊，除了睇大廚師表演外，仲可以一嘗限時美食。甜品方面，果凍、迷你蛋糕、葡撻、梳乎厘、雪糕、紅豆沙、豆腐花、生果...， 款式多不勝數。總括餐廳自助餐款式多，價錢算合理，環境不錯，可以一試的。