岩鹽日本料理 (利舞臺廣場) (Closed)

相約好友預早同佢食生日飯, 佢本身好鍾意食釜飯, 所以我特意搵左依間專食釜飯既日本餐廳同佢慶祝生日先黎個金平牛蒡漬開胃一下, 牛蒡絲夾雜紅蘿蔔絲, 食落有芝麻香, 帶甜漬醬汁味, 唔會食落有苦味, 口感爽脆!之後串燒盛合8串賣相都幾吸睛, 包括有鴨肉大蔥串、牛舌、雞軟骨、錦爽雞肉丸、冬菇、甘薯、雞翼同日本青椒, 牛舌燒得剛剛好, 面頭撒左黑胡椒同鹽調一調味, 好惹味! 雞翼燒得幾香口, 外皮咬落香脆, 保持到油香, 雞肉丸食落幾軟熟, 有啲似日式雞肉棒, 軟熟程度剛好, 外層醬汁味道濃郁而不咸蟹肉芝士天婦羅卷係將包好既蟹肉芝士卷物再拎去炸, 食落外層好香脆可口, 入面依然軟熟帶咬口, 蟹肉同芝士個味依然保持, 唔會走左個味, 唔錯!炸青森帶子係人生第一次食炸既帶子, 估唔到又幾香口惹味, 帶子外層個炸粉好薄身, 而帶子入口一啲都唔乾, 點埋蛋黃醬更加好食另外叫左個木魚高湯浸翡翠苗, 一直有火煲熱唔怕凍左, 木魚碎浸係鰹魚湯咁一齊食好入味廣島蠔釜飯到左今晚主角出場, 店員話再等多一分鐘等個飯再焗一焗先打開, 一打開個飯蓋已經湧出廣島蠔既香味, 將醬汁倒入飯一齊拌勻, 首先食隻廣島蠔, 個