Pickled Pelican (Closed)

今日特登入到去赤柱慶祝紀念日，上openrice 就揀咗呢間西餐廳！因為我預早訂位所以去到都唔使等！服務: 8/10分呢度嘅侍應十分有禮貌，分別有外國人同香港人侍應，所以語言唔會成為障礙，而且佢哋服務周到，了解顧客所需！環境: 9/10 分呢間餐廳有兩層樓，地下係酒吧，2樓係西餐廳，本人極力推介要坐2樓，因為坐得舒服啲之餘2樓裝修仲具有英國古典風格整體食物質素: 8/10 分安格斯牛肉漢堡拼薯條 7/10分落單時侍應會問安格斯牛想要幾成熟，我就揀咗五成，但其實出到嚟都差唔多成七成熟，好彩嘅係牛肉唔會太韌。值得一讚嘅係佢嘅薯條，炸得好脆口，十分新鮮， 食到停唔到口！龍蝦汁虎蝦扁意粉 8/10分虎蝦十分爽口、分量有成六七隻，而且仲好細心已經去掉左蝦殻！龍蝦汁味夠搶，配埋少許蕃茄汁味，十分之夾！維也納雞扒: 9/10 分呢個係最意外驚喜嘅主菜，本身以為雞扒係香煎，但係佢係用咗麵包糠去炸！最欣賞係佢嘅炸粉一啲都唔厚，而且面層仲有芝士味，十分可口！