Ember (Closed)

今日係我last day返工，夜晚特登叫男朋友同我一齊食飯慶祝下，離開地獄。首先送上餐包，口感好軟熟，我鍾意食。精選餐湯係大蒜薯仔忌廉湯，薯仔味好出，又唔會粉粉地，幾好。前菜有鮮青口意大利粉｜藍芝士忌廉汁。第一次前菜食得甘豐富。擺算好精緻，青口有三隻，忌廉汁都好creamy。北海道帶子刺身薄切｜黃金意大利飯，帶子刺身好鮮嫩，意大利飯有粟米係入面，都幾夾。主菜有鹹蛋黃蝦龍蝦尾｜龍蝦汁扁意粉，龍蝦汁意粉比較清爽，龍蝦尾啖啖肉，配以鹹蛋黃，幾好食。烤美國熟成肉眼扒10oz大大塊，配菜有薯仔、菠菜同小番茄，菠菜好好食。兩杯Cocktails: Old Fashioned同Mojito。Mojito好清新。Old Fashioned威士忌味好香濃。順帶一提，呢間唔收切餅費，超好。