Video
Read full review
2021-12-12
1015 views
正值同男朋友嘅周年紀念，上網見到呢一間新開嘅法式日式fusion餐廳，佢就帶我去食咗餐午餐，再進行我哋一整日嘅拍拖活動。👍🏻前菜 ( 忌廉藍青口、是日魚生 )平時可能得沙津同餐湯揀，但呢到卻係五花百門。忌廉藍青口既醬汁用上冬瓜蓉同白酒去烹調，食落份外綿滑，而且味道唔係太濃，令藍青口既鮮味大爆發，仲要咬落無渣，最重要係完全食唔到有雪味。是日魚生分別有油甘魚同帆立貝，餐廳會用上檸汁去醃製魚生，所以食落酸酸甜甜，加上柚子醋汁同灑上白芝麻，完全能夠成為開胃既前菜。👍🏻USDA WANYU SRF ZABUTON美國SRF極黑和牛肩里背肉屬於高級靚牛嘅稀少部位，所以極度珍貴，具備哂油花多、肉味濃既特質，當日小編揀左以菇菌醬作為配搭，能夠完完全全保留到牛既香盛，食落近乎入口即溶，多汁醇嫩，肉質非常淋軟。👍🏻USDA WBI PRIME STRIPLOIN呢塊西冷牛扒取自牛既腰脊，食落肉質極鮮嫩，牛肉味相當濃郁，精瘦卻含充沛油花，咬落亦夠淋，配上黑椒汁亦無被蓋過牛嘅香盛。👍🏻甜品呢款甜品亦是有其獨特之處，用黃豆製成既蛋糕以為會較為硬身，但食落去亦帶有足夠既空氣感。配上清淡自家製既豆腐味雪糕，食完都無
👍🏻前菜 ( 忌廉藍青口、是日魚生 )
平時可能得沙津同餐湯揀，但呢到卻係五花百門。忌廉藍青口既醬汁用上冬瓜蓉同白酒去烹調，食落份外綿滑，而且味道唔係太濃，令藍青口既鮮味大爆發，仲要咬落無渣，最重要係完全食唔到有雪味。
是日魚生分別有油甘魚同帆立貝，餐廳會用上檸汁去醃製魚生，所以食落酸酸甜甜，加上柚子醋汁同灑上白芝麻，完全能夠成為開胃既前菜。
👍🏻USDA WANYU SRF ZABUTON
美國SRF極黑和牛肩里背肉屬於高級靚牛嘅稀少部位，所以極度珍貴，具備哂油花多、肉味濃既特質，當日小編揀左以菇菌醬作為配搭，能夠完完全全保留到牛既香盛，食落近乎入口即溶，多汁醇嫩，肉質非常淋軟。
👍🏻USDA WBI PRIME STRIPLOIN
呢塊西冷牛扒取自牛既腰脊，食落肉質極鮮嫩，牛肉味相當濃郁，精瘦卻含充沛油花，咬落亦夠淋，配上黑椒汁亦無被蓋過牛嘅香盛。
👍🏻甜品
呢款甜品亦是有其獨特之處，用黃豆製成既蛋糕以為會較為硬身，但食落去亦帶有足夠既空氣感。配上清淡自家製既豆腐味雪糕，食完都無任何罪惡感。
💡 加配$20可以有一杯咖啡或茶，奶茶更加係可以自行調配。
👍🏻👍🏻餐包
餐包旁邊附上有紫菜脆片同味噌，取代平時塗既牛油，食落口感幾特別但又相當諧和，坊間都好難有咁既配搭，小編忍唔住REFILL左一次添
最後最後，必須稱讚呢一間店舖嘅員工，有禮貌而且非常殷勤，每道菜上枱的時候，亦都會悉心為顧客去介紹！！
Post
