牛摩+ (新港城中心(5期)) (Closed)

母親節又食酒樓有啲悶，同阿媽黎新開火鍋店食任食火鍋有新意！今期見好多台灣野食，有米血糕、皮蛋紅薑貢丸、凍豆腐、珍珠奶茶等等。慶祝嘅我唔會慳荷包啦！揀第二貴嘅貴嘅牛摩牛小排套餐，幾乎所有肉都任揀，仲有海鮮食。QR code落單嘅肉當中最正係極品美國牛小排，夠軟嫩重牛味；美國極上黑豚肉極薄片焯一焯肉味濃有質感；美國特選牛肩胛，纖維較多質感厚d但肉味又再濃d。海鮮先勁，有廣島蠔、翡翠螺、海蝦、墨魚滑、扇貝、青口、帆立貝等等。任食質素海鮮黎講，算係新鮮，尤其係廣島蠔、翡翠螺同帆立貝，真係幾鮮味。當然除咗呢啲之外，自助區都仲有好多野食，有軟雪糕、西式甜品味道唔錯，同埋阿媽都好鍾意親自整杯軟雪糕嘅過程。仲有壽司啦、其他菜、丸、前菜之類，飲品就任揀啦，呢間分店整潔度同服務幾好，為返1個人先3百幾蚊，平過酒樓啦！