和宴

Open Now

Now Closed

今日媽媽生日，午餐我哋帶佢嚟咗呢間佢鍾意食嘅日本餐廳。我哋點咗套餐，入面包含咗各式各樣嘅菜色。第一道係和牛配法包，香脆嘅法包配上和牛，幾特別嘅。和牛煮得啱啱好，口感適中，非常好食。第二道係韓式煎餅，呢個煎餅係搭配咗海鮮嚟煎。海鮮增加咗煎餅嘅鮮味，令呢個煎餅變得好香，味道真係好極呀！呢個細細嘅迷你沙律好新鮮，菜都整理得好乾淨。仲有牛肉配日本蛋嘅。烤好嘅牛肉，散發出濃郁嘅味道，濃濃嘅牛肉味沾埋雞蛋一齊食，有獨特嘅味道，都係幾唔錯嘅。接住嚟嘅係牛舌，烤好之後沾佢哋嘅鹽蔥汁醬料，使牛舌變得更加好食！下一道係宮崎和牛同澳洲和牛，呢啲牛肉嘅厚度啱啱好，唔會太厚或者太薄，烤出嚟嘅口感啱啱好。同時，佢哋嘅豚肉都唔錯，香噴噴，鮮嫩多汁。最後就係海鮮，有海老同扇貝，都好新鮮。我尤其鍾意佢哋嘅扇貝，大大粒，食起嚟好滿足，蝦都係鮮甜又彈牙。後面嘅甜品係黑糖珍珠雪糕，好甜，入口即化，非常軟滑🙌🏻我哋仲為媽媽叫咗Sake【今代司辛口】，非常爽快。媽媽呢餐食得非常開心呀🥰