蠔灣 (金巴利道)

Open Now

Now Closed

同朋友慶生，緊係要食高質同埋有特色㗎喇，所以我超級推薦依一間餐廳，依間餐廳除咗有唔同種類嘅蠔之外，居然有勁少見嘅龍蝦刺身，亦都有辣嘅龍蝦湯，非常之有特色！首先講吓佢嘅蠔，佢有超過20種唔同嘅蠔，款款味道都唔同，如果唔識揀嘅話亦都可以問職員推介返。我哋今次就分別叫咗Gillardeau，Speciales de claire，Cocollos，Tarbouriech Oyster，Masses生蠔，味道由淡到濃，食落非常新鮮，簡直係味蕾嘅享受。同時我哋仲叫咗龍蝦刺身，帶子同埋赤貝，佢嘅龍蝦刺身超級爽口彈牙，一定要食！而其他都非常之新鮮，個老細仲講，佢哋啲海鮮係每日新鮮運嚟！蠔都係每星期運一次。而佢嘅龍蝦湯嘅龍蝦味好濃郁，而且有得揀辣，或者唔辣，非常之驚喜。龍蝦意粉亦都相當之唔錯，非常入味。如果想同朋友食好野嘅話，一定要試吓呢一間。