Video
Read full review
2019-07-13
145 views
前兩日姊妹們話銅鑼灣有間新餐廳啲食物好igable，原來叫Sensu，約埋一齊黎chill下影下相～一去到門口已經覺得好有藝術感，裝修設計好靚。我地係為咗Snacks Combo九宮格而黎，價錢一位$188，兩位$368～一上枱我地已經爭住影相打卡😍拼盤入面有九款唔同小食....呢四款係餐廳主打既日本頂級和牛「日山和牛」製成🌟日山A5和牛壽司 原片A5生和牛舖係壽司飯，雖然未到入口即溶，但肉質口感好好，和牛油脂好香。🌟日山A5和牛牛肋條牛肋條肉同脂肪比例完美，入口味道香濃，肉質嫩，好想食多幾件！🌟日山A5和牛迷你漢堡 和牛漢堡肉充滿肉汁，肉質軟腍，配上牛油香的漢堡包，正🌟日山A5和牛芝士春卷外脆內軟，一條唔夠喉🤣其他鹹食也很不錯～🌟脆炸豆腐配土佐醋汁 - 豆腐浸喺土佐醋內，味道酸甜，好開胃🌟鹽漬昆布沙律 - 入面有秋葵，牛蒡，口感爽口🌟海膽馬鈴薯沙律 - 馬鈴薯沙律上舖了新鮮海膽，淋上醬汁，鮮味！🌟櫻花蝦餅 - 蝦餅彈牙，味道濃郁🌟脆炸鱔乾 - 香脆可口，送酒一流Snacks Combo 包兩杯指定Mocktail 一杯係菠蘿，另一杯係白桃西瓜味🍉.我地仲嗌咗個main dish，和牛
我地係為咗Snacks Combo九宮格而黎，價錢一位$188，兩位$368～一上枱我地已經爭住影相打卡😍
拼盤入面有九款唔同小食....
呢四款係餐廳主打既日本頂級和牛「日山和牛」製成
🌟日山A5和牛壽司
原片A5生和牛舖係壽司飯，雖然未到入口即溶，但肉質口感好好，和牛油脂好香。
🌟日山A5和牛牛肋條
牛肋條肉同脂肪比例完美，入口味道香濃，肉質嫩，好想食多幾件！
🌟日山A5和牛迷你漢堡
和牛漢堡肉充滿肉汁，肉質軟腍，配上牛油香的漢堡包，正
🌟日山A5和牛芝士春卷
外脆內軟，一條唔夠喉🤣
其他鹹食也很不錯～
🌟脆炸豆腐配土佐醋汁 - 豆腐浸喺土佐醋內，味道酸甜，好開胃
🌟鹽漬昆布沙律 - 入面有秋葵，牛蒡，口感爽口
🌟海膽馬鈴薯沙律 - 馬鈴薯沙律上舖了新鮮海膽，淋上醬汁，鮮味！
🌟櫻花蝦餅 - 蝦餅彈牙，味道濃郁
🌟脆炸鱔乾 - 香脆可口，送酒一流
Snacks Combo 包兩杯指定Mocktail
一杯係菠蘿，另一杯係白桃西瓜味🍉
.
我地仲嗌咗個main dish，和牛臉頰鵝肝雲吞，一客有四件，面頭有花做裝飾，醬汁好濃，咬開雲吞，入面既和牛肉質好軟稔，鵝肝味道香濃，令人忍不住一口接一口🤤
🍧甜品方面係柚子芝士餅配柚子雪芭
Cheesecake食落好soft，芝士同柚子味好夾，配埋個柚子雪芭，酸酸地，凍冰冰，正🤤
.
唔飲得酒既我嗌咗杯mocktail，叫Season，天藍色，仲有花瓣係面，好靚！用椰子水，乳酪，荔枝，等製成～有strawberry powder圍邊，塊蘋果甜甜地，nice!
🌟
現場仲有live show，飲住野聽住live music 好chill～
睇到餐牌上面仲有好多Mocktail, Cocktail唔同飲品選擇，下次要黎試下！銅鑼灣呢個地段，加上咁好既環境，食物色香味俱全，性價比高。係約會慶祝好地方～
Post
