forte (Closed)

見今個月做緊生日優惠就黎左食晚市套餐 只要生日個位成為會員就可以帶多一位成人 咁生日個位就免費 連加一都唔洗🤩呢個隨心所「肉」套餐都包左豐富嘅食物，頭盤有刺身合盛，海鮮拼盤，用料都幾新鮮，味道唔錯👍🏻然後就有餐湯同埋麵包，我哋揀咗西湯係南瓜湯，味道幾濃，跟餐餐包有兩款，味道都幾特別。但沙律味道就一般主菜我地分別揀左澳洲穀飼牛肉眼扒，呢個叫左5成，幾有牛肉味同埋唔會太韌；同埋叫左威靈頓鴨肝澳洲牛柳，呢個個人認為好好味，肉夠林同埋酥皮唔會好膩，加埋入面鴨肝嘅味食落都幾鮮，同埋少少creamy。配菜個薯角都好味。最後有甜品，有得揀水果拼盤或者hagendazz雪糕，我地揀左雪糕，有香蕉味同雲尼拿味。同埋有杯茶或者咖啡。生日優惠包一個火焰雪山，呢個係雲尼拿雪糕加蛋糕，味道唔錯，同埋會包兩杯紅酒或者氣酒。生日嘅話呢個套餐真係好抵食。