天空虎嘯

Open Now

Now Closed

噚日同姊妹慶祝生日，特登揀咗佢鍾意食嘅海鮮餐廳做佢嘅生日餐🥳呢間海鮮蒸汽火鍋餐廳我哋都係第一次試，餐廳喺26樓，可以出去露台影相，日落嘅風景真係好靚！✨餐廳得一個套餐，件件海鮮都咁鮮美，刺身頭盤已經令我哋好驚喜！加拿大象拔蚌刺身口感扎實，咬落去爽脆有嚼勁，頭盤仲有花龍蝦、北海道帶子、法國銀鱈魚等等，款式多，而且都好新鮮！🤤食完刺身就開始蒸海鮮食，阿拉斯加長腳蟹腿肉超巨型！蒸熟之後呈橙紅色，睇落去就流口水🤤味道鮮甜又多肉，彈牙又鮮美！白鱈魚唔愧係世界十大最好食嘅魚類之一，簡單嘅蒸熟已經好好味，一點魚腥味都冇，咬落去魚片直接溶化喺口裏面，好正😍芝士櫻花蝦鮑魚同鮮北海道北寄貝，鮑魚同櫻花蝦都好新鮮，蒸熟後芝士溶化咸香味十足，完全唔膩，每一啖都係驚喜😍北寄貝都係我食過最好食嘅北寄貝！肉質肥美，而且口感一點都唔會老，超新鮮！食完海鮮仲有日式京蔥醬油配本地雞，雞肉已經用京蔥同醬油醃製過，鮮嫩多汁而且好入味！