Video
Read full review
2016-12-21
2075 views
棋吧 ✍🏻️同班 friend 亂打亂打左去問問，可以安排到張12人檯，唔需要分開坐，又唔限時，就book左去里間玩同慶祝生日。見新出左個韓式辣卡邦尼，就叫左個黎試，原來可以叫佢地整辣d。雖然賣相一般般，但個意粉辣得黎又好creamy，正過平時自己落tabasco，真係有驚喜，幾特別！另外可以加餸，加雞排$20，都幾大塊，好脆，值得一試！有人生日會送一set rainbow shot, 一人一杯，d staff 出黎表演，d酒會一邊倒一邊變色，好神奇，好靚。酒精唔重，味道杯杯唔同，藍色最重酒味，紅色有d藥水味，中間最好飲。另外再叫左d cocktail 試，有杯用 Godiva 朱古力沖好好味，似薄荷朱古力奶，應該係聖誕特飲，鍾意Godiva 要試試！最後要提提d staff 會教game，唔識可以叫佢地推介！
同班 friend 亂打亂打左去問問，可以安排到張12人檯，唔需要分開坐，又唔限時，就book左去里間玩同慶祝生日。
見新出左個韓式辣卡邦尼，就叫左個黎試，原來可以叫佢地整辣d。雖然賣相一般般，但個意粉辣得黎又好creamy，正過平時自己落tabasco，真係有驚喜，幾特別！
另外可以加餸，加雞排$20，都幾大塊，好脆，值得一試！有人生日會送一set rainbow shot, 一人一杯，d staff 出黎表演，d酒會一邊倒一邊變色，好神奇，好靚。酒精唔重，味道杯杯唔同，藍色最重酒味，紅色有d藥水味，中間最好飲。
另外再叫左d cocktail 試，有杯用 Godiva 朱古力沖好好味，似薄荷朱古力奶，應該係聖誕特飲，鍾意Godiva 要試試！
最後要提提d staff 會教game，唔識可以叫佢地推介！Post
