吞POT 雞煲火鍋.住家菜 (譽發廣場) (Closed)

上個星期同朋友慶祝生日，揀咗吞pot，旺角分店有去過，油麻地呢間我就未來過，又借此幾會來試試。先叫咗個雞煲翅，好鍾意！可能我自己本身都鍾意飲雞湯，呢個係加強版，濃稠好多，一定要飲咗一碗湯，先開始打邊爐。裏面嘅湯料算多，隻雞煲咗咁耐，出奇地仍然好滑！今次印象最深刻嘅配料，係蟹籽墨魚滑、美國桶蠔、響鈴。響鈴真係炸得超香脆，唔捨得放落湯浸淋，輕灼一下就好。美國桶蠔新鮮大隻 ，煮熟咗的size都唔會縮得好勁。仲有我最鍾意嘅蟹籽墨魚滑，真材實料，爽口彈牙。今晚我哋六個人，人均消費大概$300，真係好抵食。遇着有優惠會更加抵，大家有興趣一定要試吓。