鳥語 (Closed)

朋友好喜歡CAFE，所以慶祝生日就揀左黎呢度~~~有他他米可以坐，不過因為怕唔方便，就無坐，最後坐左梳化同矮登，感覺都OK，傾計舒服，環境係寬敞唔會太逼!食物方面真係賣相好掂，我地3個女仔係一早訂左位，所以都唔使等就可以入座~都叫左唔少野食，逐樣講講先......食完之後係感覺比想像中好味。自家手作粉紅鳥忌廉意粉意粉 $138個樣真係幾靚，係打卡都會揀haha，視覺效果好正，係粉紅色cream cheese，撈完再食，好味而且食落唔漏，都足料，不過係意粉少左d。富士山黑豚肉咖哩飯 $118呢個之前係網上見到，覺得好特別，個樣真係好吸引~咖哩起初都怕會辣，但真係好好味，個汁無得頂，唯一係個飯"可能"因為要定型，所以係凍嘅，如果係熱真係會更惹味!但食落呢個係推介，個汁真係唔會太辣，少少甜甜地，係日式....值得食!柚子蜜糖雞翼 $58呢個好好味，熱辣辣上台，食落超濃郁柚子味，甜甜地但食落好滋味~紅菜頭...唔知咩，除左原身可以有公仔的，其他飲品如果要加公仔係要另加$10呢個好得意，見到都唔捨得飲haha富士山芝士蛋糕(豆腐味)，生日叫左呢個，如果要寫字係要另加$15，仲要預早訂台時講定架!