棋吧

Open Now

Now Closed

今次第二次去，大班朋友去嘅玩 boardgame 好地方！真係唔多cafe可以安排到張10人檯，又唔需要分開坐，又唔限時！意粉方面，我都係鐘意新出嗰個韓式辣卡邦尼多d，都幾辣，酸酸辣辣得黎同carbonara 個醬又好 match，不過食唔到辣個d記得叫小辣。炸雞排都唔錯， 好大塊，啖啖肉！其實今次黎嘅另一目的係為左慶祝生日會送嗰set rainbow shot，個staff攞完蛋糕出黎就會攞d shot glass 出黎放喺生日嗰個面前表演，一邊倒會一邊變色，好似變魔術咁，生日嗰位朋友超 surprise，影相又靚！味道方面應該係用vodka溝出黎，都唔算太重酒位，但味道杯杯唔同，唔係杯杯好味，tips：中間綠色橙色嗰幾杯似fruit punch/ vodka橙，本人覺得最好飲！留意雖然d staff 態度都ok 同有時會推薦玩boardgame 教我地玩，但佢地廚房真係好細，跟住又爆場，出餐真係比較慢，建議一坐低就落order，等得黎差唔多。總括而言，雖然款式唔多，賣相一般，但$100坐6個鐘，有得食有得玩有酒飲，真係好抵！