一起果醬 (Moved) New Location

很少在西貢區食飯，今日罕見咁嘗試一下，因為剛好行完山，而且好開心男朋友一早見星期日驚冇位所以ｂｏｏｋ定左位，好采都容易ｂｏｏｋ的～首先呢間餐廳的名已經好特別，令人聽到就想去試下，佢都有特別之處的就係好多唔同的自家制果醬，而且味道係好特別的。至於我地兩個人就叫左２個主食＋１個小食：班尼迪蛋($88)佢有３樣野可以揀的，就係PARMAHAM／煙三文魚／大啡菇，今次我揀左三文魚＋PARMAHAM，真係好好食，望落去蛋黃醬感覺係好多，但係唔漏得黎又好香，個蛋整得好好，冇爛又唔會生得制，生熟度控制得好好，個底部的鬆餅好食，佢仲有洋蔥圈配落去，包住個蛋的，味道都係合襯的～值得推介！士多啤梨果醬燒豬肋骨($88)首先要講一講個豬肋骨，太熟了沒有嫩滑感覺，幸好肉質都算軟，不會用難吃去形容的。但個配給的醬真的超正，呢個士多啤梨果醬，令到整個主食加分不少，相信如果豬肋骨火候或肉質控制一下，一定不錯的～芝士通粉瓖釀蟹蓋($42)需要改善的一道食物！！芝士超多，太濃厚到一個點，不流質的芝士，而且入面完全沒有ｍａｃ＆ｃｈｅｅｓｅ的感覺，通粉超軟，而且裡面的芝士通粉很”琼”。